Жаңа клиенттерге

АО «Астық Транс» — «Астық Транс» АҚ – астық жүктерін тасымалдау бойынша кәсіпорын.

2013 жылғы тамызда Қазақстан Республикасының жүк вагондары паркінің ірі операторы «Қазтеміртранс» АҚ және Ресейдегі астық және сусымалы жүктерді теміржолмен тасымалдау саласындағы ірі оператор – «Русагротранс» АҚ акционерлерімен тепе-тең негізде құрылды.

Негізгі қызмет түрі арнайы жылжымалы құраммен операторлық қызмет көрсету, Қазақстан астығын республикаішілік және халықаралық қатынастарда тасымалдау бойынша көлік-экспедиторлық қызмет көрсету болып табылады.

«Астық Транс» АҚ басқаруындағы жалпы вагон паркі жылына шамамен 12 млн. тонна астық тасымалдауды қамтамасыз етуге мүмкіндік беретін 10000 дейінгі астық тасымалдаушы вагондарды құрайды. Бұл ретте компанияның өндірістік қуаттылығын арттыру, Қазақстан Республикасының агроөнеркәсіптік кешенінің өспелі қажеттілігін арнайы жылжымалы құраммен толық көлемде қамтамасыз ету үшін қосымша вагон паркін тарту маңызды фактор болып саналады.

Келешекте, «Астық Транс» АҚ астық жүктерін бағдарлау технологиясын пайдалану арқылы «автокөлік – теміржол - кеме» схемасы бойынша мультимодальді тасымалдауды дамыту мәселесін алдына қойып отыр. Клиенттерге астықты жеткізу жөніндегі қызметтер өзіне элеватордан түсіруді, теміржолмен тасымалдау мен порттағы ауыстырып тиеуді қамтитын топтық және бағдарлық жеңілдіктердің пайдаланылуымен бірыңғай өтпелі мөлшерлеме бойынша сатылады.