2026 жылғы 27 маусымнан бастап «Қазақстан темір жолы» ҰК» АҚ республикалық ішкі қатынаста әлеуметтік маңызы бар азық-түлік тауарларын, сондай-ақ отандық ұн тарту және нан пісіру кәсіпорындарына жеткізілетін бидайды тасымалдау кезінде магистральдық теміржол желісі мен локомотивтік тарту қызметтеріне қолданылатын тарифтерге 70% жеңілдік қарастыратын 0,3 төмендету коэффициентін енгізді.Жеңілдетілген тариф бидайды (ЕТСНГ коды 011005) Атырау, Бейнеу, Ақтау-Порт, Белес, Жылаево, Қызылорда, Қарағанды, Жезқазған, Қостанай, Петропавл, Ақтөбе-1, Астана-1, Атбасар, Павлодар, Түркістан, Шымкент, Алматы-1, Іле, Талдықорған, Чемолған, Тараз, Семей және Өскемен станцияларына тасымалдауға қолданылады.
Өз кезегінде «Астық Транс» АҚ бұл бастаманы қолдайтынын және аталған бағыттар бойынша бидай тасымалы кезінде астық тасымалдайтын вагондарды ұсыну тарифтерін бұрынғы деңгейде сақтайтынын мәлімдеді.
Компанияның мәліметінше, ҚТЖ енгізген төмендету коэффициенті мен вагондарды ұсыну тарифтерінің өзгеріссіз сақталуы нәтижесінде теміржол арқылы тасымалдаудың жалпы құны қашықтыққа байланысты 15–40% аралығында төмендейді.
«Астық Транс» компаниясында атап өткендей, кәсіпорын көптеген жылдар бойы ішкі бағыттарда бидай тасымалдауға арналған астық тасымалдайтын вагондарды ең төменгі тарифтермен ұсынып, отандық ұн тарту кәсіпорындарын тұрақты түрде қолдап келеді.
Дереккөз: https://agrosearch.kz/kk/news/astyq-trans-podderzal-snizenie-zeleznodoroznyx-tarifov-na-perevozku-pseni...
