Қазақстанда астық тасымалдау тарифтері екі есеге артуы мүмкін

ҚТЖ компаниясы 14 сәуірде Табиғи монополияларды реттеу комитетіне 2026-2030 жылдарға арналған магистральдық теміржол желісі (МТЖ) қызметтеріне бұрын бекітілген тарифтерді қайта қарауға өтінім берді. Компания жүк санатына байланысты тарифтерді екі есе немесе одан да көп көтеруді сұрайды. Бұл туралы KazGrain Ұлттық экспорттаушылар қауымдастығы хабарлады.

Тарифтердің өсуі 2026 жылғы 1 маусымнан бастап болжанады:

• 1 және 2 сыныпты жүктер үшін: көмір 2,7 есе; астық 2,6 есе; темір рудасы 2,5 есе; минералды тыңайтқыштар, химиялық заттар мен сода 2,9 есе; түсті кен 3,1 есе; құрылыс материалдары мен орман жүктері 2,1 есе, мақта талшығы 2 есе, басқа да жүктер және бос жүріс 2,8 рет;
• 3-сыныпты жүктер үшін; сынықтар мен қара металдар 2 есе, мұнай және мұнай өнімдері 1,8 есе, түсті және қара металдар 2,1 есе, сазтопырақ 2,4 есе;
• 4-ші «әлеуметтік» сыныпты жүктер үшін (әлеуметтік маңызы бар азық-түлік өнімдері және әскери көлік) МТЖ қызметтеріне тарифтердің өсуі жарияланған жоқ.

ҚТЖ тарифінің бірнеше есе артуының себебін инвестициялық бағдарламаның ұлғаюы, сондай ақ жүктердің жіктелуінің өзгеруі - жүктердің 23 түрін төрт сыныпқа топтастыру көрсетеді. Айта кетейік, Ұлттық кәсіпкерлер палатасы бұл әдіснамамен келіспеді.

Дереккөз: https://eldala.kz/kz/novosti/zerno/24551-tarify-na-perevozku-zerna-mogut-udvoitsya-v-kazahstane