2024 жылғы 1 желтоқсаннан бастап вагондардың нормативтен тыс бос тұруы үшін айыппұлдарды есептеуді тоқтата тұру туралы

"Астық Транс" акционерлік қоғамы (бұдан әрі – Қоғам) осымен сізді төмендегілер туралы хабардар етеді: Күрделі пойыз жағдайына, порт терминалдары мен шекаралық теміржол станцияларының кептелісіне байланысты Қоғам 2024 жылдың 1 желтоқсанынан бастап тиеу/түсіру операциясында адал клиенттер үшін нормативтен тыс бос тұруды есептеуді тоқтата тұру туралы шешім қабылдады. Клиенттер көлік экспедициясы шартының талаптарын қасақана бұзған кезде (6 тәуліктен бастап) Қоғам белгіленген шарттық міндеттемелерге сәйкес айыппұлдарды есептеу құқығын өзінде сақтап қалады. Бұл шешім Қоғамның отандық бизнесті қолдауға және логистика саласындағы қиын жағдайда елдің экспорттық әлеуетін арттыруға ұмтылысын көрсетеді және өзара міндеттемелерді сақтауға, жауапкершілікті әділ бөлуді қамтамасыз етуге және көрсетілетін қызметтер сапасының жоғары деңгейін қолдауға бағытталған. Қоғам басқа меншік иелерінен тартқан вагондарға нормативтен тыс бос тұруы көлік экспедициясы шартына сәйкес есептелетін болады. Сізді қызықтыратын барлық сұрақтар бойынша Сізге тағайындалған менеджерлерге хабарласуыңызды сұраймыз.