2021 жылғы 24 шілдеде Алматы облысының «Алтынкөл» теміржол станциясынан ҚХР бағытында астық жүктерінің контейнерлерін салтанатты түрде жөнелту рәсімі өтті. Бұл оқиға «Астық Транс"компаниясының кешенді тасымалдарын жүзеге асыруды бастауын белгілейді.
«Астық Транс» акционерлік қоғамы «Қазақстан Темір Жолы «ҰК» АҚ-мен бірлесіп, Қ
Кешенді схема қазақстандық астықты Қостанай қаласының теміржол станциясынан Алтынкөл станциясына 19 астық тасығышта жөнелтуді көздейді, онда жүк барлық санитарлық нормаларды сақтай отырып, контейнерлерге ауыстырып тиеліп, Сиань қаласына (ҚХР) жөнелтілетін болады.
Осы жобаны іске асыру экспорт географиясын кеңейтуге мүмкіндік береді және астық жүктерін жеткізу мерзімдерін айтарлықтай қысқартады. Компанияның стратегиясында қолданыстағы логистикалық бағыттарды оңтайландыру және серіктестермен бірлесіп астық жүктерін кешенді тасымалдауды дамыту маңызды пункттердің бірі болып табылады. Тасымалдаудың әзірленген схемасы жүйелік операторларға жүктемені едәуір қысқартады, ауыл шаруашылығы саласының қажеттілігін уақтылы қамтамасыз етуге мүмкіндік береді және астық тасымалдаудың маусымдылығына қарамастан жүктерді жеткізудегі кідірістерді азайтады. Бұдан басқа, аграрлық жүктерді тасымалдау Қазақстанның астық нарығына қатысушыларға тиеу географиясын ұлғайтуға және жүктерді жеткізу базистерінің тізімін кеңейтуге мүмкіндік береді.
Осы технология бойынша тасымалдау мәселелері бойынша бекітілген менеджерлерге хабарласуды сұраймыз.