ҚЫЗМЕТТЕР КЕШЕНІН КЕҢЕЙТУ

«Астық Транс» АҚ Ақтау портында астықты экспедициялауды жүзеге асыратын «Marine Logistics Center» ЖШС еншілес компаниясымен бірлесіп, «Ақ Бидай — Терминал» АҚ терминалы арқылы Әзірбайжан Республикасына астықты экспорттық мультимодальдық тасымалдауды жүзеге асырды. 8800 тоннадан астам бидай жөнелтілді. Аталған астықты тасымалдау жөніндегі операцияларды ұйымдастыру, үйлестіру және бақылау функцияларын «Marine Logistics Center"ЖШС жүзеге асырды.
Қазақстанның солтүстігінен Әзербайжанға бағыт бойынша астықты экспорттық мультимодальдық тасымалдау қызметін ұсыну элеваторлардағы вагондарға астықты тиеуден бастап, көліктік-логистикалық тізбектің әрбір кезеңінде толық сүйемелдеуді, астық сапасын бақылауды ұйымдастыруды, теміржол тасымалын, терминалға қайта тиеуді және кемеге ауыстырып тиеуді, теңіз тасымалын және межелі портта түсіруді қамтыды. Сондай-ақ қажетті құжаттаманы шығару, кедендік ресімдеу, портта ауыстырып тиеуді ұйымдастыру және бақылау, кемені номинациялау және басқа да рәсімдер жүзеге асырылды. Осылайша, Қоғам жүк жөнелтуші үшін астықты тасымалдау жөніндегі барлық мәселелерді шешуде Бірыңғай орындаушы болды, бұл соңғысы үшін шығындар мен уақытты едәуір үнемдеуді білдіреді, сондай-ақ жүкті жылдам әрі сенімді тасымалдауды қамтамасыз етеді.
Қоғам жүктерді тасымалдаудың жылдамдығы, құны және сенімділігі бойынша үздік шешімді қамтамасыз ете отырып, тасымалдау үдерісінің толық циклын қамтуға мүмкіндік беретін қызметтер кешенін көрсете отырып, астық жүктерінің экспорттық мультимодальдық тасымалдарын жүзеге асыруға дайын.